大家有否遇過一個……完全無任何血緣關係，並不是情侶或者夫婦，但又無條件、無保留的付出……而付出的卻是自己一生的時間、精神、心機……. 所有所有………..?
我、我們，好慶幸地有一個。
熟悉我的人都知道我十分幸運的，有兩個婆婆，肥婆婆和瘦婆婆。並不是因為我公公花心，只係因為其中的一位係由她年輕至老，不眠不休甘照顧左我地兩代大小的婆婆。亦係我這兩十年中最重要既人。
婆婆…………………
記得媽咪係我好細個果時對我講過，係我媽咪幾歲果時，您已經負責照顧媽咪佢地五兄弟姐妹…….
一直的照顧，到表哥、我地三姐妹出生，就照顧我地到而家甘大，一路都好錫好錫我地……
其實我一直都好想知道，點解您會一直付出照顧我地既? 您只不過是我婆婆的朋友，既不是親戚、又無錢收……. 但都可以無私甘付出….
媽咪仲講過…. 您既親妹妹，幾十年前叫您幫手照顧佢既子女，但您無理到，就一直照顧我媽咪五兄弟姐妹……
而您自己仲一點積蓄都唔留，有幾多都比哂我地………….. 點解您可以對我地甘好既？ 婆婆，您記得嗎?
仲好記得細個果時，唔知點解我就好鐘意痴住您。成日一放假，邊到都唔去，剩係想去您屋企。記得果道其實無玩具、無零食，但係唔知點解就係好鐘意去陪您、痴住您。記得雖然您每日朝早都係煮一樣既麥皮、每日下午都係食同樣既餅仔、每晚都係煮同樣款式既飯仔，每日都係同樣時間帶我去一樣既地方玩，仲記得您住果道無冷氣，夜晚好熱，您就唔訓晚晚幫我撥扇……. 雖然每一日都簡簡單單，但反而我覺得我每一日都一樣覺得甘開心，一樣覺得甘幸福……..
雖然我果時仲好細個，但唔知點解對於同您有關既野，我全部都記得特別清楚。可能最簡單既快樂，枉枉都係最深刻………..
可能細細個開始，您照顧得我最多…. 所以我已經識諗，我e世女最痛錫既人一定係您，您係我懂事以來唯一一個我最唔想失去既人。 其實對於失去e兩個字，我由細至大都唔敢諗亦最怕，尤其是係我小學時，您發生左一次意外後。記得我唔得閒去您屋企時候，您就會買好多好多野，羅住一袋二袋，辛辛苦苦搭巴士黎我地道照顧我地。就係因為甘，有一次令到您跌倒入醫院。我好記得您入醫院，媽咪帶我去探您，我見到您果時，我喊到停唔到……. 係果時開始，我就知道您對我黎講，比任何野都重要……….. 果次以後到而家，當我知道您有任何大事、小事或者有病，我都真係好怯好怯，怕都我會不斷麻醉自己叫自己唔好諗，不斷求天主千其唔比你有咩事，祈望有事果個係我唔係您……….. 只要您可以長命千歲，留係我身邊就得…….
由細到大，我都最聽您話，做任何事都想您開心。細個果時你剪到我d頭髮好短，冬菇頭，媽咪話好醜，您仲因為甘同媽咪吵架，但我唔一d都唔覺得唔好，因為您鐘意，我就鐘意。我好鐘意您幫我沖涼擦背，好鐘意聽您d鄉下話，你會講好多你後生果時既野比我聽，雖然成日重覆又重覆，仲要完全都係唔開心野，但係您鐘意講我就鐘意聽。我唔鐘意d唔尊重您既人，我會為左你而嬲佢、鬧佢，我想你開心，因為您e大半生，都係辛苦既同埋成日諗埋d唔開心野，諗埋一邊，我覺得好心痛呀，您知唔知呀? 婆婆，您知道嗎?
您真的係我e世女最愛最錫既人。就算我拍拖、有伴侶都好，我最愛既人依然係您，無人可以取代您既地位。您知唔知呀？每一個同我一齊既男朋友，佢地都一定識您嫁，都知道我好鐘意您好愛您，我一定一定都要佢地尊重您，因為您係我最重要既人，我既精神支柱。
到到而家大個，而您年紀大喇…. 但我依然同細個一樣甘痛錫您…………. 您身體一年比一年壞，一日比一日差，由講好多野變到唔係成日講野，行動自如變到唔識照顧自己，但係我依然愛您，痛錫您
而家輪到我地照顧番您喇…………我真係樂意嫁………
您就成日話自己麻煩，快死仲好……其實我由頭痛到尾我都無覺得您煩嫁，只要您一日健在，我都可以用我所有既時間去照顧您嫁…………. 婆婆，你又知唔知道呀?
今年我發生左好多事，無論係自己既身體、學業，甚至係朋友，接二連三甘受到唔同既打擊，無人幫到我，安慰到我….. 晚晚都發惡夢……成日剩係識擁住男朋友喊….. 但係我知道，無論再有其他事情不如意都好，我點都要撐住，只要您無事，所以野都可以承受嫁………..雖然我唔如意既事，同您係無關係既，但我成日麻醉自己同自己講，如果所有唔好既野可以比我，您會開心d、舒服d、長命千歲既話，我得嫁………. 雖然我知道係無可能，但係甘樣我個心會好過d……每次見到您笑，您唔叫頭暈，您同我講野，我先識由個心道笑出黎嫁……………… 但係點解甘，岩岩冬至，我地先一大班人食飯………
琴日下午仲見到您羅住封利是好開心係道笑………
但夜晚我地只不過上十二樓食飯一陣乍…………………. 救護員黎到……………….. 佢話您仲有脈搏嫁………我仲以為您會無事嫁……………
但係點解我去到醫院您唔起身呀，我帶埋萬金油您嫁……….
點解您隻手會凍冰冰既……………….. 我平時拖住您果時，您成日都話我隻手凍您好暖嫁……….
點解………………………………………………………… 今天我擇醒，好緊張甘打開房門，因為希望見到既係….您會好似平時甘坐左係您每日坐果個位置…….
入到toilet, 已經見唔到您條用左好耐既毛巾
食飯既時候，已經無人叫我添” 酒”, 無人要我哄食飯….. 飯桌已經少左一個人……. 以後無人會叫我"呀影"
無人用鄉下話黎同我講野
無人會叫我沖好立克
無人會用萬金油
無人會用鄉下話讚我乖
無人會係睇電視果個比我輕輕靠住
唔會再聽kokkok聲既手杖………………………………………….
婆婆……..我好掛住您呀………….. 真係好掛住您…………………………………………………
我真係唔介意每晚半夜同您去廁所、每晚半夜針水您飲、每晚幫您搽萬金油，每晚陪您唔訓覺，每晚照顧您……….您唔煩，您從來都無煩過…………. 比起您為我地付出既，我地根本就唔係d咩一回事…………….
點解你唔比機會我為您再做d咩呀……………………………. 而家我可以點呀…………..我可以做d咩呀…………………
我可以做既….. 除左打e篇野話比您知我由細到大都甘愛您之外……………..我剩係識喊乍…………………… 今年既任何事我都勉強可以承受…………. 但我而家真係撐唔住喇………..
我知道您已經差唔多一百歲，我明白e樣應該係意料之內既事，但我真係接受唔到……….. 您話比我知丫………………..我可以點呀………. 我會聽您話嫁……. 我真係好掛住您呀……………………………….. 但無論點都好，e樣野您一定一定要記住要聽住……我好愛您呀，我地全家人大大小小都好愛您呀，您係我地全家最重要最重要最錫既家人呀，我地永遠愛您永遠錫您嫁………您知唔知道記唔記得呀? | 
